Pag-establisar sa ICS giuyonan sa konseho

GILANTAW nga mapadali ang pagtubag sa mga tawag  sa emerhensya ug pagresponde sa panahon nga adunay katalagman sa dakbayan.

Kini human ang konseho sa sesyon  niadtong Lunes nga gidumala ni Bise Mayor Bebot Rodriguez nagpalabang og ordinansa nga nag-establisar ug nag-institutionalize sa Incident Command System (ICS) isip On-Scene Disaster Response and Management Mechanism sa Cagayan de Oro.

Ang maong aksyon alayon sa memorandum sa Department of Interior and Local Government (DILG) nga nagmando sa tanang local nga kagamhanan alang sa maong katuyoan.

Ang ICS usa ka sistema nga maghiusa sa mga fasilidad, ekipo, personahe, pamaagi ug komunikasyon ubos sa hiniusang  estraktura sa organisasyon nga magpromote sa interoperability sa mga hintungdang ahensya ug  mga stakeholders.

Nasayran nga mang maong lakang giindorsar sa City Disaster Risk Reduction and Management Council (CDRRMO).

Ang ordinansa nga gipalabang alang sa maong katuyoan gipaluyohan sa komite sa climate change adaptation & mitigation and disaster risk reduction ni Konsehal Paolo Gaane ug komite sa pamalaod ug reglamento ubos ni Konsehal Edgar Cabanlas. (JRG/SP)