Pag-establisar sa City Pharmacy gisugyot ni Konsehal Nacaya

GISUGYOT ni  Konsehal Ian  Mark Nacaya, chairman sa komite sa research, planning

and innovation, ang pag-establisar sa City Pharmacy .

Kini ang  unod sa special report sa konsehal atol sa sesyon niadtong Lunes nga

gidumala ni Presiding Officer Pro Tempore Konsehal Romeo Calizo .

Sumala ni Nacaya nga niadto paning tuig 2006 o’ kinse na ka tuig ang milabay nga iya

kining gipasaka ug gani kompleto na ang gikinahanglang draft sa maong sugyot

ordinansa alang sa maong katuyoan .

Gipasabot  sa konsehal nga nakab-ot niya kini nga lakang kaniadto  tungod sa

panginahanglan sa  publiko nga makaminus sa  presyo  sa mga parmaceutical products

nga mapalit sa  mga parmasya.

Dugtong niini giasoy  ni Konsehal  Nacaya nga sukad sauna ug hantod karon mao

gihapon ang sentimento sa katawhan nga mapalit ang mga medisina sa barato ug ubos

nga presyo nga maabot  sa tanan.

Kinahanglan atong ikonsidera ang pag-establisar sa kaugalingong parmasya nga

competitive, affordable ug kanunay nga available sa  katawhan, panapos sa konsehal.

(JRGalano/SP)