Pag-amendar sa solid waste management suportado ni Goking

GIKALIPAY ni Konsehal George Christopher Goking, chairman sa komite sa trade and commerce, nga ma-revisit ang ordinansa kabahin sa ecological solid waste management sa syudad.

Kini ang gibutyag sa konsehal atol sa sesyon niadtong Lunes nga gidumala ni Bise Mayor Bebot Rodriguez agig reaksyon sa taho ni Konsehal Eric Salcedo sa sugyot pagpalapad sa maong balaodnon.

Uyon si Goking sa sugyot nga re-classification aron mahisgotan ang kabahin sa matrix sa balayronon ug ang paghatag og gahum sa kabarangayan sa pagpatuman niini ilabina ang koleksyon sa basura ug mga bayronon sa mga nagnegosyo sa tagsa-tagsa ka barangay.

Gipasabot sa konsehal nga sa panahon ni kanhi Konsehal George Goking giplano na ang pag-amendar ug dugay na kini nga problema nga iyang nadunggan sa kabrangayan nga dili mapatuman.

Niini suportado ni Goking ang pag-revisit sa maong balaodnon ug andam siya nga makig-diskusyon uban sa iyang komite ilabina ang paghatag og fair matrix sa balayronon kabahin sa isyu sa pagnegosyo. (RNQ/SP)