top of page

P424.60M balor nga infra projects mapatuman sa FY 2023

KAPIN sa P424.60 milyones nga mga proyekto sa imprastraktura ang mapatuman pa karong tuig 2023.


Kini human ang Konseho sa Syudad, sa sesyon niadtong Lunes nga gidumala ni Bise Mayor Bebot Rodriguez, mipalabang sa ordinansa nga nag-aprobar sa Supplemental Budget No. 4 sa General Fund balor P663.17 milyones ug Supplemental Budget No. 1 sa Special Account: Local Economic Enterprises/Utilities balor P17.29 milyones kapin.


Si Mayor Klarex Uy, sa iyang rekomendasyon ngadto sa Konseho alang sa pag-aprobar sa maong lakang, mipasabot nga tumong niini nga mahaum sa prayoridad sa iyang administrasyon ang ipatumang mga programa ug proyekto.

Lakip sa gipondohan mao ang proyekto pagtukod og drainage system sa Zone 6, Bayabas balor P10.36 milyones; pagsemento sa dalan nga adunay drainage dinha sa Block 9, 10, 11, 12, 13, 14, 20 ug 21A sa Xavier Ecoville, Lumbia balor P3.9 milyones; pagkonkreto sa dalan nga adunay system sa Hillside, Agape Drive, Macasandig balor P3.73 milyones; pagtukod sa City College Academic Building, Dansolihon balor P152 milyones; paghikay ug han-ay sa dalan dala na pagsemento paingon sa City College, Dansolihon balor P30 milyones; pagtukod sa Mega Health Center sa Macanhan, Carmen balor P65 milyones; pagtibawas sa Kauswagan Health Center balor P566 mil; pagbutang og atop sa City Hall quadrangle balor P9 milyones; ug pagpatuman sa lain laing programa ug proyekto sa kabaranggayan balor P150 milyones.

Ang maong mga proyekto gilantaw nga makatabang dinha sa paghatag sa dugang kaarangan sa kinabuhi sa matag Kagay-anon.

コメント


bottom of page