top of page

P20.4M balor nga school bldgs matukod dihas Gusa RegSci HS, Indahag NHS

Gilantaw nga matukod sa umaabot tuig 2023 ang balor P20.4 milyones nga edifisyo alang sa dugang duha ka bag-ong tunghaan sa syudad.

Kini naglakip sa upat ka andanang edifisyo nga adunay walo ka lawak saringan sa Gusa Regional Science High School nga mobalor og P13.6 milyones ug upat ka andanang edifisyo nga adunay upat ka lawak saringan alang sa Indahag National High School nga mobalor og P6.8 milyones.

Ang maong mga proyekto nga pundohan ubos sa Special Education Fund (SEF) nasukip sa mga proyektong giaprobahan sa konseho sa syudad ubos ni Bise Mayor Bebot Rodriguez nga kabahin sa 2023 Annual Investment Plan (AIP).

Niini, dako ang pasalamat ni Konsehal Suzette Magtajas-Daba, chairman sa komite sa edukasyon, sa administrasyon ni Mayor Klarex Uy sa padayon nga paghatag og prioridad sa edukasyon alang sa kaugmaon sa kabataan sa dakbayan.


Ako malaumon nga pinaagi sa maong mga proyekto daghang kabataan ang makakab-ot og mahayag nga kaugmaon dili lamang diin nahimutang ang mga tunghaan kun dili lakip na sa kasikbit nga mga dapit, pamahayag ni Konsehal Suzette Magtajas-Daba.



bottom of page