Oro Youth Month gilunsad

GILUNSAD niadtong Lunes ang Kasadya: Oro Youth Month 2025, usa ka bulan nga selebrasyon nga hiniusang gipasiugdahan sa Oro Youth Development Council, City SK Federation, ug Out of School Youth Development Alliance-CDO.

Sa gipahigayong press briefing, mainitong gilunsad ni  Konsehal Kenneth John Sacala, SK Federation President ug chairman sa komite sa youth and sports development, ang kasaulogan nga nagsentro sa temang “Local Youth Action for SDGs and beyond”.

Sumala sa konsehal nga usa kini ka bulan nga selebrasyon nga gipahinungod sa kabatan-onan sa dakbayan  nga diin naglakip sa Pasigarbo 2025: Teens Credible Awarding, Oro Youth Summit, ug daghan pang uban nga gilauman  magdalag kasadya sa  selebrasyon.

Si Konsehal Sacala hugot nga nagpasalamat ni Mayor Rolando Uy sa walay puas nga suporta samtang nanawagan siya sa kabatan-on sa dakbayan sa pakiglambigit sa mga kalihokan nga gitanyag alang kanila. (JRG/SP/Photo captured during press briefing)