Ordinansang naghan-ay sa giya pagporma sa BADAC, pag-alokar og pundo, giuyonan

GILAOMAN nga labing mapalapdan sa kabarangayan ning syudad ang ilang kampanya batok sa illegal nga druga.

Kini human ang Konseho  sa sesyon kagahapon nga temporaryong gidumala ni Konsehal Girlie Balaba mipalabang sa  ordinansa  nga naghan-ay sa mga giya alang sa pagporma sa Barangay Anti-Drug Plan of Action, ug pag-alokar og substantial nga porsyon sa annual budget sa kabarangayan alang sa pagpatuman sa Akta Republika 9165 kon Dangerous Act of 2022 subay usab sa DILG Memorandum Circular No.2015-063 nga nag-establisar og pundo nga magsuporta sa BADAC.

Sa iyang special report ug kinsa mao ang nangamahan sa nasangpit nga ordinansa, gipasabot ni Konsehal Romeo Calizo nga ang maong lakang dugay na nga nauyonan sa CADAC alayon sa probisyon sa Comprehensive Dangerous Act of 2002.

Lakip sa mahinungdanon nga gitakda sa maong ordinansa mao nga kinahanglan aduna gayoy mandatory budgetary allocation ang kabarangayan sa operasyon sa ilang BADAC.

Sumala sa konsehal nga  kinahanglan kining dalion aron nga ang mosunod nga BADAC masayod unsay ilang buhaton  diha sa pagporma og palisiya ug kon unsaon pagbaton og organisadong BADAC council, ingon man sa pagbaton sa substantial portion sa annual budget aron usab matabangan sila sa pagbuhat sai lang mga action plan.