Ordinansa sa Brgy Lumbia tukion sa kom sa brgy affairs

GIHINGUSGAN sa Konseho sa Barangay Lumbia, ning syudad ang dugang pagpalambo sa ilang industriya sa turismo.

Kini human gipaabot nga konsiderahon sa komite sa barangay affairs ubos ni Konsehal Marlo Tabac ang ordinansa sa Lumbia nga mag-institutionalize sa Kasoy Festival Song isip opisyal nga kanta atol sa kasaulogan sa Kasoy Festival sa barangay ug sa paggamit niini isip sayaw sa panaghiusa.

Ang kanta adunay importante nga papel sa pagsilsil sa usa ka pagbati, panaghiusa ug pagdayeg sa kultura sa mga residente.

Tumong sa barangay nga ma-promote ang kasoy isip usa sa nag-una ug naila nga produkto sa barangay Lumbia.

Niini, malaumon si Konsehal Tabac nga makatambong sa umaabot nga tigom ang tanang sakop sa komite sila si  Konsehal John Kenneth Sacala, Nicolo Gaane, Al Legaspi, Sr., Jonjon Rodriguez, Edgar Cabanlas, Aga Suan ug Bise Mayor Bebot Rodriguez aron makuha ang ilang mga opinyon. (RNQ/SP)