top of page

Night Market diha sa Rio Boulevard suportado ni Pascual


HIGH end ang style just like in Thailand and Korea Night Market sa pagpadagan sa mga stalls diha sa CdO River Boulevard, ning syudad.”


Cagayan de Oro Cit Councilor Jay R. Pascual

Kini ang gibutyag ni Konsehal Jay Roa Pascual, Chairman sa Komite sa Tourism, atol sa sesyon niadtong Lunes nga gidumala ni Presiding Officer Pro Tempore Konsehal Romeo Calizo agig reaksyon sa taho ni Konsehal Roger Abaday kabahin sa kadako sa bayad sa pag-abang sa stall diha sa Higalaay Night Café sa CdO River Boulevard.


Matod  ni Pascual nga usa kini ka pilot project nga buot ipatagamtam sa katawhan sa dakbayan.


Gipasabot sa konsehal nga tag P1,500 ang rental kada adlaw ug ang event organizer na mismo ang maghatag sa kinahanglan sa mga concessionaire sama sa mga bag-o ug parehas tanan nga mga tolda, portable toilets lakip na ang seguridad ug tiglimpyo, aron sa pagseguro nga mamintinar ang kalinaw ug kahindik sa venue hangtod sa kasaulogan sa fiesta sa syudad.


Niini, gisuportahan kini ni Pascual ug siya naglaum nga mahatagan kini og tukmang rekomendasyon sa mga hintungdang komite aron mapausbaw dili lamang ang industriya sa pagkaon lakip na usab ang turismo sa syudad.


Sa laing bahin, si Pascual mipahibalo  nga abri ug welcome ang buhatan sa City Tourism niadtong gusto mangayo o mananghid sa pagdumala sa susamang kalihokan ubos sa Higalaay Festival alang sa umaabot nga kapistahan sa syudad.

Comentários


bottom of page