Nacaya nanghinaot mapadayon sa umaabot chairman sa Public U ang pagsulbad sa problema sa tubig

SI Konsehal Ian Mark Nacaya, chairman sa komite sa planning and research sa Konseho, nanghinaot nga hatagan pagtagad  sa sunod nga magdumala sa komite sa public utilities ang problema sa tubig.

Kini ang unod sa special report sa konsehal  sa sesyon sa konseho  niadtong Lunes nga gidumala ni Bise Mayor Bebot Rodriguez.

Sumala sa konsehal nga daghan nang nag-provide og supply sa tubig  dinhi sa dakbayan  apan subo palandungon nga hangtod sa kasamtangan nagpabilin ang problema tungod adunay mga  panahon nga hugaw o lubog ang agas sa tubig, samtang adunay mga higayon nga wala gayuy agas nga nakaperwisyo sa mga konsumador.

Gipasabot ni Konsehal Nacaya  nga sa bag-ong hut-ong sa konseho, unta dili gayud ihunong ang paghuna-huna ug pagpangita sa paagi nga malimpyo ang supply sa tubig sa tibook dakbayan tungod kay ang tubig importante sa kinabuhi sa tawo.

“In transitioning public governance, the next occupants should do better than what we have done in the past,” pamahayag ni Konsehal Nacaya. (JRGalano/SP)