top of page

Nacaya naghangyo sa mga brgy. opisyalpagbutang ug CCTV sulod sa ilang AOR


GIHANGYO ni Konsehal Ian Mark Nacaya, Chairman sa Komite sa Planning Research and Innovation, ang mga barangay opisyal sa syudad sa pag-instalar sa CCTV camera sa ilang tagsa-tagsa ka barangay.



Sumala ni Nacaya nga dako og ikatabang sa kabarangayan ang pagbutang sa maong CCTV, tungod kay pinaagi niini, mas dali ang pag-ila sa mga tawo nga makahimo’g krimen, o makamataha ug makapakgang sa mga daotang elemento nga adunay daotang katuyoan.


Gipasabot ni Nacaya nga dili sa tanang panahon nga ang kapolisan ug mga barangay police ana-a nagabantay sa palibot. Gani, adunay higayon nga ang kapolisan maoy gabantayan sa mga daotang elemento dayon kini mohimo sa krimen, sumpay sa konsehal.


Gikabalaka sa konsehal ang pagkuyanap sa gitawag og basag salamin sa mga sakyanan nga nakaparada sa kadalanan ug gipangkawat ang mga mahalong butang sulod niini.


Malaumon si Nacaya nga mabutangan sa CCTV ang kabarangayan ug aghaton ang mga magpapatigayon sulod sa ilang hurisdiksyon sa pagbutang ug mga CCTV camera alang sa maong katuyoan.

Коментарі


bottom of page