Mulo sa taga-Bulua giaksyonan sa komite sa Env’t

PADAYONG gihatagan og pagtagad ni konsehal Enrico Salcedo ang mga isyu o reklamo sa mga residente sa Zone 7, Bulua kalabot sa operasyon sa crematorium sa Divine Shepherd Memorial Park.

Sa milabayng tigom sa komite sa environment and natural resources ni KonsehalSalcedo, gipadangat sa mga residente sa dapit ang ilang reklamo sa operasyon sacrematorium tungod sa giingong labihan ka baho nga gibuga niini nga nakahatag ogpelegro sa panglawas.

Dugtong niini, aduna pay mga nakasinati sa pagsakit sa ilang kuto kuto tungod sa maong baho.

Nasayran nga ang konseho sa Bulua una nang miduso sa ilang report mahitungod sa pakyas sa maong establisamento pagtuman sa ilang mga nasabutan atol sa ilang gipahigayong dialogo uban sa mga residente.

Si Konsehal Salcedo mibutyag aron nga masuta ug maresolbar ang maong isyu ug mgareklamo iyang gidapit sa umaabot niining tigom ang kadagkoan sa Department ofHealth (DOH) aron madungog ang ilang opinion ug rekomendasyon alang sa maong katuyuan.