MOU tali XU tun-an sa komite sa environment

GITINGUHA ni Bise Mayor Bebot Rodriguez ang dugang kalamboan sa solid waste management program sa dakbayan ug sa kampanya pagproteher sa kinaiyahan.

Kini human giduso sa Bise Mayor ngadto sa komite sa environment ni Konsehal Roger Abaday ang sugyot Memorandum of Understanding (MOU) tali sa Xavier University ug sa kagamhanan sa dakbayan sa Cagayan de Oro pinaagi sa buhatan sa City Local Environment and Natural Resources Office (CLENRO).

Kini may kalabutan sa gisugyot nga proyekto nga gitawag  og “Optimizing Urban Sustainability: Empowering Cagayan de Oro City with Smart Decision Support for Waste-to-Energy” (SWEEP CDOC).   

Naglaum si Bise Mayor Bebot Rodriguez nga masuportahan kini nga proyekto tungod sa maayong katuyuan niini. (RNQuiblat/SP)