top of page

MOU tali sa dakbayan, XU giuyonan sa Konseho


Nagtambayong ang kagamhanan sa syudad ug Xavier University -Ateneo de Cagayan diha sa kampanya pag-implementar sa solid waste management.


20th City Council of Cagayan de Oro

Kini human ang Konseho sa Syudad sa sesyon niadtong Lunes nga gidumala ni Bise Mayor Bebot Rodriguez mipalabang  sa ordinansa  nga naghatag katungod ni Mayor Rolando  Uy nga nagrepresentar sa dakbayan  pagpirma sa Memorandum of  Understanding (MOU) tali sa Xavier University - Ateneo de Cagayan (XU) nga girepresentahan  sa ilang presidente, Fr. Mars Tan, kalabot sa  implementasyon sa Information, Education and Communication Campaign sa Solid Waste Management  pinaagi sa City Local Environment and Natural Resources Office  (CLENRO) nga magsilbig societal engagement sa  mga tinun-an sa unibersidad ubos sa mga termino ug kondisyones.


Tipik sa nahilatid sa maong MOU nga ang kagamhanan maoy motakda og timeline sa implementasyon sa societal engagement nga giuyonan sa unibersidad  pinaagi sa National Service Training Program (NSTP) unit ug maoy mutodlo sa contact person nga moabag  pag-monitor ingon man pagtudlo og membro gikan sa Solid Waste Management Committee isip coordinator sa matag barangay kon asa gipatuman ang maong programa.


Samtang ang XU, pinaagi sa NSTP, makigtagbo sa mga sakop sa Barangay Solid Waste Management Committees alang sa hingpit nga panagsabot ingon man paghisgot sa ilang  papel  ug responsibilidad  diha sa implementasyon  sa IEC campaign sa Solid Waste Management, mohatag sa kompletong listahan sa NSTP students ingon man maoy modumala sa pasundayag  sa mga estudyante atol sa gidugayon sa ilang  societal engagement ug uban pang nahilatid sa maong MOU.


Ang ordinansa nga gipalabang sa konseho alang sa maong katuyoan gipaluyohan sa Komite sa Environment ni Konsehal Roger Abaday ug Komite sa Pamalaod ubos ni Konsehal Edgar Cabanlas.

Comments


bottom of page