Moreno motuki sa sugyot tax measures sa mga kooperatiba


Magtigom karong alas 2:00 sa hapon diha sa hawanan sa konseho ang komite sa cooperatives ni Konsehal Imee Rose Moreno.

Tipik sa tukion sa maong tigom ang sugyot balaodnon kalabot sa buluhisan sa mga kooperatiba nga namugna dinhi sa syudad.

Hisgutan usab ang reklamo sa mga transport cooperative mahitungod sa Local Public Transport Route Plan (LPTRP) nga giingong usa sa mga rekisitos sa financing program sa mga banko nunot sa pagpatuman sa Public Utility Modernization Program.

Gipaabot motambong sa tigom aron mohatag sa ilang opinion sila si Konsehal Maria Lourdes Gaane, Roger Abaday, Yan Lam S. Lim, Romeo Calizo, Ian Mark Nacaya, James Judith ug Bise Mayor Jocelyn Rodriguez.