MoA tali MORESCO-1 tun-an sa komite sa subdivision

GILANTAW ang dugang kalamboan nga matagamtaman sa 132 ka benepisyaryo sa housing project sa dakbayan.

Kini human giduso ni Bise Mayor Bebot Rodriguez ngadto sa komite sa subdivision ug landed estate ni Konsehal Edgar Cabanlas ang sugyot Memorandum of Agreement (MoA) tali sa Misamis Oriental-1 Rural Electric Service Coop., Inc. (MORESCO-1) ug sa kagamhanan sa dakbayan sa Cagayan de Oro kalabot sa electrification project  nga mobalor og P1,552,384.10 diha sa Cagayan de Oro Resettlement and Socialized Housing Project 5 (CDORSHIP 5) Phase 2, Barangay San Simon.    

Ang proyekto  naglangkob sa pagbutang sa extension line ug ang pag-instalar sa 3 unit 25-KVA distribution transformer alang sa paghatag sa suplay sa kuryente sa mga benepisyaryo niini.

Naglaum si Bise Mayor Bebot Rodriguez nga masuportahan kini nga proyekto. (RNQ/SP)