MoA sa Management Plan sa Makiglagaw Crystal Cave konsiderahon sa komite sa environment

KONSIDERAHON dili madugay sa komite sa environment and natural resources ubos ni Konsehal Enrico Salcedo ang hangyo  ni Mayor Rolando Klarex Uy nga matugutan siya pagpirma sa Memorandum of Agreement (MoA) tali sa Department of Environment and Natural Resources (DENR).

Kini may kalabutan sa  implementasyon  sa management plan alang sa Migkalagaw Crystal Cave nga nahimutang sa Barangay Mambuaya.

Sa maong kasabutan, ang DENR ug kagamhanan sa dakbayan magkauyon nga maoy magdumala sa maong langub sa tumong sa pagpreserba ug pagpalambo  niini.

Tipik sa responsibilidad sa DENR mao ang paghatag  og training ug ubang serbisyo ngadto sa LGU aron masiguro ang epektibong proteksyon, pagpalambo ug pagdumala sa maong langob samtang ang dakbayan maoy mohatag og mga personahe alang sa pagkonserba ug pagdumala sa maong langob. (JRG/SP)