MOA alang EEOP konsiderahon sa komite sa social services

KONSIDERAHON sa komite sa social services sa Konseho ubos ni Konsehal Girlie Balaba ang hangyo sa buhatan sa Mayor.

Ang mayor mihangyo  sa Konseho ubos ni Bise Mayor Bebot Rodriguez  sa pagtugot kaniya sa pagpirma sa Memorandum of Agreement (MoA) tali sa Department of Education-Cagayan de Oro  (DepEd-CDO) nga  girepresentahan ni Schools Division Superintendent  Dr. Roy Angelo Gazo sa katuyuan paghatag  og tabang ngadto kagamhanan  aron makab-ot ang tumong  nga palapdan ang implementasyon sa Equal Employment Opportunity  Principle (EEOP) pinaagi sa pag-cater og mga aplikante nga adunay espesyal nga panginahanglan.

Ubos sa maong kasabutan, ang maong departamento kinsa nagbansay og  mga Special Education (SPED) supervisor ug magtutudlo,  maoy magdumala  sa mga PWD applicants atol sa screening process, ug sa paghatag sa pasulit  sa  mga  aplikanteng PWDs. (JRGalano/SP)