top of page

Mga programa ug proyekto sa Camaman-an mapatuman na


Hingpit nang mapatuman sa Barangay Camaman-an ning syudad ang ilang mga programa ug proyekto karong tuiga.

Kini human ang konseho sa sesyon niadtong Lunes nga gidumala ni Bise Mayor Bebot Rodgriguez misagop og resolusyon nga nag-uli sa ordinansa sa maong barangay nga may kalabutan ang ilang 2023 Annual Budget nga adunay gibana-banang kinitaan nga P35.7 milyones

Tipik sa gigahinan sa maong budget ang pagpatuman sa mga programa sa kabataan ug pagpamalit sa supplies ug ekipo nga magamit panahon sa kalamidad.

Migahin usab ang barangay og igong pundo alang sa pagpatuman sa nagkalain laing proyekto nga naglakip sa pagpalit og lote nga tukuran sa dugang Civic Center/ Centro Multi purpose building, pag-instalar og mga suga sa kadalanan, pagtukod og dalan sa lain laing sitio ug daghan pang uban nga gilantawng maghatag dugang kalamboan sa ilang barangay .

Ang resolusyon nga gipalabang sa konseho alang sa maong katuyuan gipaluyuhan sa komite sa barangay affairs ni Konsehal Yan Lam S. Lim ug komite sa pamalaod ug reglamento ubos ni Konsehal Ian Mark Nacaya.

Comments

Couldn’t Load Comments
It looks like there was a technical problem. Try reconnecting or refreshing the page.
bottom of page