top of page

Mga programa ug proyekto sa 2 ka brgy mapatuman na


HINGPIT nang mapatuman sa Barangay 20 ug Pagatpat ang ilang mga programa ug proyekto karong tuiga.

Kini human ang konseho sa syudad sa sesyon nga gidumala ni Bise Mayor Kikang Uy mipalabang sa managlahi nga resolusyon nga nag-uli sa ordinansa sa Brgy. 20 ug Pagatpat nga may kalabotan sa ilang 2021 Annual Budget.

Sa ilang 2021 budget nga P2,438,148, ang Brgy. 20 migahin og pundo alang sa pagtukod og material recovery facility ug pagpasemento sa sidewalk sa ilang dapit.

Samtang ang Brgy. Pagatpat nga adunay budget nga P13,850,739, migahin og pundo alang sa pagrehabilitar sa ilang multi-purpose hall ug sa material recovery facility, pag-instalar og mga poste sa elektrisidad, paghimo og mga canals ingon man pagpamalit og

pipila ka gamit sa ilang buhatan.

Lakip sa gipundohan sa duha ka barangay ang personal services, maintenance & other operating expenses, de-clogging sa drainage system, pagpatuman sa mga programa alang sa mga kabatan-onan, pagpamalit og mga materyales nga magamit panahon sa kalamidad ug uban pang mga programa nga makahatag og dugang kalamboan sa ilang barangay.

Ang mga resolusyon nga gipalabang sa konseho alang sa maong katuyoan gipaluyohan sa komite sa barangay affairs ni Konsehal Yan Lam Lim ug komite sa pamalaod ug reglamento ubos ni Konsehal Ian Mark Q. Nacaya.

Comments


bottom of page