Mga programa sa kabatan-onan sa Iponan suportado ni Sacala

NANGUSOG si Konsehal Kenneth Sacala, chairman sa komite sa youth and sports sa konseho, nga mapalambo ug mapalapdan ang mga programa ug proyekto sa kabatan-onan sa Barangay Iponan ning dakbayan.

Kini human ang ang konseho atol sa sesyon niadtong Lunes nga gidumala ni Bise Mayor Bebot Rodriguez hiuniusang misagop og resolusyon nga nag-uli sa Sangguniang Kabataan sa Iponan nga may kalabutan sa ilang 2025 Annual Budget nga  mokabat sa P4,241,046.00 alang sa hingpit nga implementasyon.

Tipik sa gipunduhan sa maong sk budget sa operating mentainance ug operating expenses sa komite sa panlawas balor P300 mil, komite sa building and security balor P30 mil, P100 mil alang sa komite sa social inclusion and equity, P60 mil sa economic empowerment, P740 mil alang sa active citizenship, P112 mil sa environment, P30 mil sa agriculture ug P350 mil alang sa edukasyon ug uban pang programa sa makapalambo sa kinabuhi sa katabatan-onan sa maong dapit.

Sumala ni Sacala, nga suportado niya ang mga programa sa kabatan-onan aron  sila mahimong madasigon sa ilang kinabuhi kinsa adunay dakong papel sa kalamboan sa  syudad.

Ang resolusyon nga gipalabang sa konseho alang sa maong katuyoan gipaluyohan sa komite sa youth ubos ni Konsehal Sacala ug komite sa pamalaod ug reglamento  ni Konsehal Ed Cabanlas. (JRG/SP)