Mga programa sa Brgy. 11 suportado ni Sacala

HUGOT nga gisuportahan ni Konsehal Kenneth John Sacala, chairman sa komite sa youth and sports development, ang mga programa sa Sangguniang Kabataan sa Barangay 11.

Sa sesyon sa konseho niadtong  Mierkoles nga gidumala ni Bise Mayor Bebot Rodriguez, hiniusa nilang gisagop ang resolusyon nga nag-uli sa Resolution No. 2025-013 sa maong barangay nga may kalabotan sa  ilang 2025 Annual Budget balor  P405,339 mil.

Lakip sa  ilang gipundohan mao ang mga programa sa panglawas, edukasyon, economic empowerment, environment, active citizenship, governance ug uban pa nga naghatag kaarangan  sa kinabuhi sa kabatan-onan sa ilang dapit.

Ang maong SK budget miagi sa makuting deliberasyon sa mga komite sa konseho ug nasuta nga mahimo kining ipatuman sa labing dali nga panahon.

Ang resolusyon nga gipalabang sa konseho alang sa maong katuyoan gipaluyohan sa komite sa youth ni Konsehal Sacala ug komite sa pamalaod ug reglamento ubos ni Konsehal Ed Cabanlas. (JRG/SP)