Mga programa , proyekto sa SK sa Pagatpat mapatuman na

PABORABLENG gipalabang sa konseho sa syudad ubos ni Bise Mayor Kikang Uy sa sesyon niadtong Lunes ang resolusyon nga nag-uli sa ordinansa sa Sangguniang Kabataan sa barangay Pagatpat ning syudad.

Kini may kalabutan sa ilang 2021 Annual Budget nga adunay gibana banang kinitaan ug galastohon balor P1,373,774.

Lakip sa gihatagan sa prioridad ubos sa ilang budget ang pagpamalit og mga sport equipments, pagpintal sa ilang basketball covered court ug uban pang mga programa ug

proyekto nga gilaumang maghatag og dugang kaayohan sa kabataan sa ilang barangyay.

Si Konsehal John Michael Seno, chairman sa komite sa sports naghinaot nga labing mapalambo ang serbisyo nga matunol ngadto sa mga kabatan-unan sa Pagatpat labina sa natad sa paugnat sa kusog.

Ang resolusyon nga gipalabang sa konseho alang sa maong katuyuan gipaluyuhan sa komite sa sports ni Konsehal Seno ug komite sa pamalaod ug reglamento ubos ni Konsehal Ian Mark Nacaya.