Mga programa, proyekto sa Kauswagan mapatuman na

MAPATUMAN na sa hingpit ang mga programa ug proyekto sa barangay Kauswagan nga gipunduhan sa ilang 2021 Annual Budget.

Kinitungod ang konseho sa seyon niadtong Lunes nga gidumala ni Bise Mayor Kikang Uy hiniusang misagop og resolusyon nga nag-uli sa ordinansa sa barangay nga may kalabutan sa ilang annual budget nga adunay gibana-banang gahin ug galastohon

balor P37.655,676 alang sa hingpit nga implementasyon.

Lakip sa gipunduhan sa barangay sa maong budget ng pagpalit og 2 ka dumptrucks, Pagpalit og multicab nga gamiton isip mobile patrol, pagsemento sa mga dalan ug drainage sa lain laing zone sa ilang lugar ug uban pang dagkong proyekto nga

gilantawng maghatag og dugang kalamboan sa tibook barangay.

Si Konsehal Yan Lam Lim, chairman sa komite sa barangay affairs mibutyag nga iyang gisuportan ang maong lakang tungod kay alang kini sa kaayohan ug kaarangan sa katawhan sa nahisgutang barangay.

Ang resolusyon nga gipalabang sa konseho alang sa maong katuyuan gipaluyuhan sa Komite sa barangay affairs ni Konsehal Lim ug komite sa pamalaod ug reglamento ubos ni Konsehal Ian Mark Nacaya.