Mga programa,proyekto sa Brgy. Pagalungan mapatuman na

HAYAN mapatuman na sa Barangay Pagalungan ang ilang mga programa ug proyekto karong tuiga.

Kini human ang konseho sa syudad sa sesyon ni-adtong Lunes nga gidumala ni Bise Mayor Kikang Uy misagop sa resolusyon nga nag-uli sa ordinansa sa barangay alang sa pagpatuman sa ilang tinuig nga budget nga adunay gibanabanang gahin ug galastohon balor P5,777,804.

Si Konsehal Yan Lam Lim, chairman sa komite sa Barangay Affairs ug usa sa nagpaluyo

sa gisagop nga resolosyon mibutyag nga iyang gisuportahan ang maong lakang human nakita nga nahiuyon kini sa balaod ug dako ug ikatabang alang sa kaarangan ug kalamboan sa nahisgutang barangay.

Ang resolusyon nga gipalabang sa konseho alang sa nasangpit nga katuyoan gipaluyohan usab sa komite sa pamalaod ug reglamento ni Konsehal Ian Mark Nacaya.