Mga programa, proyekto sa Brgy. 26 gisuportahan sa Konseho

HINIUSANG gisuportahan sa konseho sa syudad ubos ni Bise Mayor Bebot Rodriguez ang mga programa ug proyekto sa Barangay 26.

Sa sesyon kagahapon, ang konseho misagop sa resolusyon   nga nag-uli sa ordinansa sa maong barangay nga may kalabotan sa ilang 2025 Annual Budget nga adunay bana-banang kinitaan ug galostohon balor ₱6,354,960 alang sa hingpit implementasyon.

Lakip sa gihatagan sa prayoridad sa barangay ang paghinlo sa kanal sa tibook barangay aron masulbad ang problema sa baha, pagrehabilitar sa ilang multipurpose hall ug drainage system, ug pag-instalar og  mga suga sa ilang kadalanan.

Ang resolusyon nga gipalabang sa konseho alang sa maog katuyoan gipaluyohan sa komite sa barangay affairs ubos ni Konsehal Marlo Tabac ug komite sa pamalaod ug reglamento ubos ni Konsehal Edgar Cabanlas. (JRG/SP)