top of page

Mga programa, proyekto sa Barangay Kauswagan mapatuman na

MAHIMO nang mapatuman sa Barangay Kauswagan ang ilang mga programa ug proyekto nga gipundohan karong tuiga.


Kini human ang Konseho sa Syudad sa milabayng sesyon nga gidumala ni Bise Mayor Bebot Rodriguez misagop sa resolusyon nga nag-uli sa ordinansa sa baranagay diin nasukip ang ilang 2024 Annual Budget nga adunay gibanabanang kinitaan ug galastohon balor P57,932,092.00.


Councilor Yam Lam Lim

Lakip sa gipundohan mao ang 20 porsyentong (20%) Development Fund balor P7,945,702.00 samtang P5,793,209.00 usab ang gigahin  sa pagpatuman sa mga programa sa Sanguniang Kabataan; P1.5 milyones usab alang sa pag-instalar sa solar street lights  ug P1milyon  alang sa pagsemento sa dalan sa Zone 5B, NHA sa maong barangay ug uban pang mga programa nga gilantawng maghatag dugang kaarangan sa ilang pag-serbisyo ngadto sa katawhan.


Ang  resolusyon nga gisagop sa konseho alang sa maong katuyuan gipaluyohan sa Komite sa Barangay Affairs ni Konsehal Yam Lam Lim ug sa Komite sa Pamalaod ni Konsehal Edgar Cabanlas.

 

コメント


bottom of page