Mga programa alang sa kabatan-onan sa Barangay 13 mapatuman

UBAY-ubayng programa sa kabatan-onan ang ipatuman diha sa Barangay 13 ning dakbayan.

Kini human ang konseho sa sesyon niadtong Lunes nga gidumala ni Bise Mayor Bebot Rodriguez hiniusang misagop sa resolusyon nga nag-uli sa Resolution No. 09-2025 sa Brgy. 13 nga may kalabutan sa ilang Supplemental Budget No.1 nga mokabat sa P800 mil.

Ubos sa ilang SK youth development and empowerment program, sa hisgutanan sa panglawas, mopasiugda sila og bloodletting activity ug depression awareness seminar ug YOUTH Matter.

Mopahigayon usab sila og training kalabot sa solid waste management arun sa pagproteher sa kinaiyahan, Katipunan ng Kabataan Assembly, parol making contest, Christmas caroling contest, Barangay 13 Got Talent, larong pinoy ug youth capacity building alang sa natad sa active citizenship.

Dugtong niini, sa social inclusion and equity, ipahigayon nila ang SOGIE Bill, samtang sa security and peace building, ipahigayon nila ang anti-drug symposium.

Ang resolusyon nga gipalabang sa konseho alang sa maong katuyoan gipaluyohan sa komite sa youth and sports development ni Konsehal Kenneth John Sacala ug komite sa pamalaod ug reglamento ubos ni Konsehal Ed Cabanlas. (JRG/SP)