top of page

Mga pamilyang apektado sa demolisyon mihangyonga magpabilin sa Pagatpat temporary shelter

HATAGAN og pagtagad sa komite sa urban and rural poor and housing development ni Konsehal Edgar Cabanlas ang hangyo sa mga pamilyang naapektohan sa demolisyon diha sa Kolambog, Lapasan nga anaa kasamtangan gipahimutang sa Pamalihi Shelter sa Barangay Pagatpat.

Sa sulat hangyo nga gipadangat ngadto sa komite sa subdivision ni Konsehal Cabanlas, ang mga apektadong pamilya mihangyo nga magpabilin dinha sa temporary shelter tungod kay dili nila magahom ang pagtukod og balay sa lote nga gihatag kanila sa gobyerno lokal tungod sa kapit-os.

Nasayran nga mokabat sa 50 ka pamilya ang temporaryong nanimuyo diha Pamalihi shelter sa barangay Pagatpat.

Niini, ang komite ni Cabanlas gipaabot nga motuki sa maong hangyo aron mapangitaan sa solosyon ug tukmang rekomendasyon. (SP/MLRapanot)


bottom of page