Mga ordinansa sa barangay giaksyonan ni Konsehal Tabac

GIHINGUSGAN ni Konsehal Marlo Tabac, chairman sa komite sa barangay affairs, nga mahatagan og tukmang aksyon ug rekomendasyon ang mga  ordinansa sa nagkadaiyang barangay sa syudad.

Sa tigom kagahapon, ang tanang ordinansa gibalik sa komite ngadto sa mga hintungdang barangay alang sa pag-refine niini.

Kini human mihatag og opinyon ug rekomendasyon ang mga representante sa City Legal Office ug City Local Environment and Natural Resources Office (CLENRO) sa mga butang partikular sa pagbayad, multa, silot, ug sa pagpahigayon og public hearing.

Gitahasan ni Konsehal Tabac ang barangay sa Cugman sa pag-imbitar sa buhatan sa CLENRO alang sa hapsay nga paghashas sa ilang sugyot ordinansa.  

Ang maong tigom gitambongan ni Konsehal Aga Suan. (RNQ/SP)