Mga hamtong makapalit sa tambal bisan walay purchase booklets -Konsehal Go

MAKAPALIT na sa  tambal ang mga senior citizens diha  sa parmasya ug botika bisan wala silay ikapresentar nga purchase booklet.

Kini ang gibutyag ni Konsehal Gila Go, chairman sa Komite sa Senior Citizens sa konseho  atol sa programa sa radyo “Inyong Konseho Karun” di palang dugay.

Sumala sa konsehal nga  kaniadto nahimong problema sa mga katigulangan ang pagpalit og tambal diha sa  mga parmasya  kon malimtan nila pagdala ang ilang booklets apan  karon  mahimo na silang makapalit bisan walay booklets human napalabang ang reslosyon nga naghangyo sa mga parmasya  alang sa maong katuyoan

Matod ni Konsehal Go nga nalipay siya tungod kay sa kasamtangan nag-comply ang mga parmasya bisan ang mga gagmayng parmasya sa No Purchase Booklet Requirements nga diin naghatag og kasayon sa mga   senior citizens sa dakbayan panahon sa ilang pagpalit sa tambal. (JRG/SP)