top of page

Makuting pagtuon sa sugyot magamit na CCS bldg giawhag


Si Konsehal Edgar Cabanlas, majority floor leader sa konseho, miawhag sa iyang mga kaubang konsehal nga motambong sa ipahigayong pagtuki sa komite sa edukasyon ug public works kalabot sa sugyot paggamit sa building sa City Central School (CCS).


Kini aron matubag ang mga pangutana kabahin sa gitinguhang pagtibawas sa pagtrabaho sa maong edifisyo ug uban pang mga isyu nga gustong matubag.


Mahinumduman nga sa sesyon sa konseho niadtong Lunes nga gidumala ni Bise Mayor Bebot Rodriguez, si Konsehal Roger Abaday mitaho sa kakulangon sa mga lawak saringan apan adunay edifisyo sa CCS nga wala magamit sa mga tinun-an.


Niini, malaumon si Cabanlas nga mapangitaan sa tukmang solusyon ang taho aron mapahimuslan na sa mga tinun-an ug magtutudlo ug sa katawhan sa dakbayan ang nahisgotang edifisyo.

Comments


bottom of page