LPTRP temporaryong gisuspende tungod sa krisis nga nasinati

Si Konsehal Eric Salcedo, chairman sa komite sa public utilities, mibutyag nga temporaryong gisuspende sa dakbayan ang pagpatuman sa Local Public Transport Route Plan tungod sa kasamtangang krisis nga nasinati sa nasud diin apektado ang tanan sektor sa katilingban.

Sumala ni Salcedo nga gamay ra ang gabiyahe karon nga mga PUJs tungod sa taas nga presyo sa krudo ug gasolina ug wala pay pagtaas sa pletihan tungod kay wala pay taripa.

Niini malaumon ang konsehal nga kon mahupay na ang kagubot sa Middle East ug mobalik sa pag-ubos ang presyo sa produktong petrolyo, ipahibalo ra sa goberno local ang hingpit nga pagpatuman sa Local Public Transport Route Plan sa syudad. (MLR/SP)