Limketkai mihangyo malibre pagbayad sa amusement tax ang pasiugdahang konserto

KONSIDERAHON sa komite sa ways and means ni Konsehal George Goking ang sulat hangyo ni Maria Soccorro Bollizos, business development manager sa Limketkai Sons, Inc.

Si Soccorro mihangyo sa komite nga malibre sa pagbayad sa amusement tax ang ipahigayon nilang konsertro  nga giulohan og  “ Dionela: Love and Miracles” nga  ipahigayon  sa umaabot Marso  25 ning  tuig diha sa Limketkai  Atrium, Limketkai Mall.

Sumala pa nga  lokal artist ang mopasundayag  sa maong konserto  nga diin ang porsyon  sa kitaon  niini  ilang idonar  ngadto sa Philippine  Animal Welfare Society (PAWS) ug Compassionate Animal Welfare Organization  aron masuportahan ang ilang mga programa  lakip na  pagluwas ug  pagpatambal  sa mga hayop.

Niini, gidapit sa komite pagtambong sa tigom aron paghatag sa ilang panahom ug opinyon sila si City Administrator Atty. Roy Hilario Raagas, City Treasurer Jasmin Maagad ug City Legal Officer Atty Kenneth Tamala. (JRGalano/SP)