Lim mitunol og ayuda ngadtos mga biktima sa sunog

WALAY puas ang pagtabang ni Konsehal Yan Lam Lim sa katawhan nga labawng nanginahanglan.

Niadtong Mierkoles, ang konsehal nag-apod apod og hinabang ngadto sa mga pamilyang biktima sa sunog dihas barangay Macabalan kinsang mga panimalay naugdaw sa kalayo.

Akong gibati ang kalisod nga nasinati sa matag biktimang pamilya diin naapektohan gayud ang ilang inadlaw adlaw nga kinabuhi, pamahayag sa konsehal.

Siya nanghinaut nga bisan og ginagmay lang ang gitunol nga ayuda makatabang kini kanila niining panahon sa kawad-on.

Niini, gipasalamatan ni Lim si Kapitan Norbel Saa sa pag-abag ug pag-uban kanila atol sa distribusyon.