Lim mitunol og ayuda ngadto’s mga pamilya sa Brgy 13

MALAMPUSON ang pagtunol ni konsehal Yan Lam Lim, chairman sa komite sa barangay affairs, og ayuda ngadto sa mga pamilya diha sa Barangay 13 nga apektado sa Covid-19.


Kini agig aksyon sa hangyo ni kapitan Maurino Paasa sa Barangay 13 nga mahatagan sa ayuda ang maong mga pamilya kinsa labing naapektohan sa Covid-19.


Matod ni Lim nga bisan sa ginagmay dili siya magmakuli pagtabang ilabina niining panahon sa krisis tungod sa gisagubang nga pandemya.


Ang maong ayuda makatabang sa mga pamilya sa ilang kalisod karong panahona ug magpadayon ang iyang pagtabang sa kabus dinha sa kabaranggayan.