Lim misuportasa programang “Kasalan Ng Bayan”

SUPORTADO ni Konsehal Yan Lam Lim, chairman sa komite sa barangay affairs, ang programa ni Mayor Klarex Uy nga Kasalan Ng Bayan.

Nasayran nga dili mominus sa 46 ka parisan nga dugay nang nag-ipon-ipon apan wala pa legal nga nakasal ang gibugkos sa kaminyoon tungod sa maong programa.

Si Lim mihatag sa pahalipay ngadto sa mga bag-ong kinasal pinaagi sa libreng duha ka gabii nga pagkatulog dala ang libreng pamahaw diha sa Emerald Suite.

Gibutyag ni Konsehal Lim nga nalipay siya sa maong programa sa mayor tungod kay daghang mga nag-ipon ang nahatagan sa kahigayon nga mabugkos sa salag sa kaminyoon tungod kay legal naman ang ilang panag-uban ubos sa balaod kauban ang ilang mga anak. (SP/JRGalano)Seno malaumon sa dugang kaarangan sa kinabuhi sa kabatan-onanPADAYON ang kagamhanan sa paghatag og prayoridad sa mga programa nga magdala og dugang kaugmaran sa kinabuhi sa kabatan-onan.

Kini ang usa sa konsiderahon sa komite sa Sports and Youth Development ni Konsehal John Michael Seno nga naglangkob sa pagpalabang sa sugyot ordinansa nga maghatag og katungod sa Mayor pagpirma sa Memorandum of Understanding (MoU) tali sa kagamhanan sa dakbayan ug Philippine Business Education (PBEd,) Inc.

Ang maong lakang naglangkob sa kolaborasyon dinha sa implementasyon sa proyektong Youthworks PH.

Tumong sa proyekto nga mapalapdan ang kalig-on sa panag-uban tali sa gobyerno ug pribadong entity dinha sa paghatag sa de kalidad nga edukasyon uban sa lain-laing stakeholders alang sa dugang pagpalambo sa kinabuhi sa kabatan-onan.

Ubos sa MoU, ang dakbayan mag-aghat sa mga kompanya nga magdumala sa On the Job Training (OJT) sa mga benepisaryo, paggamit sa Public Employment Service Office (PESO), Sangguniang Kabataan (SK), ug ubang organisasyon sa kabatan-onan sa pagrecruit ug uban pa.

Samtang ang PBEd ang manguna sa pagpahigayon og Remote Mentoring and Employability Skills training sa mga benepisaryo, magmonitor sa OJT uban sa kaubang kompanya, mag-abag sa recruitment sa posibleng mga benepisaryo.