Lim mipahalipay sa 79 ka mga magtiayon

MOKABAT sa 79 ka magtiayon nga dugay nang nag-ipon apan wala pa makasal ang gipahalipayan ni Konsehal Yan Lam S. Lim, chairman sa komite sa barangay affairs, human nabugkos sa kaminyoon sa gipahigayong Kasalan sa Barangay sa miaging semana dinha sa barangay Indahag.

Ang kalihokan nga gipanguhanan ni Mayor Klarex Uy nagtinguha sa pagbugkos sa mga magtiayon nga dugay nga nag-ipon apan walay kabilinggan nga makasal sulod sa panahon sa ilang panagtipon.

Sa maong higayon, malipayong gitunolan sa konsehal sa tagsa ka sakong bugas ang tanang kinasal isip pahalipay.

Gipasabot ni Lim nga nalipay siya sa programa sa kagamhanan tungod kay nakatabang kini sa mga pamilya labaw sa tanan matawag nang legal ang ilang kaminyoon kauban ilang mga minahal sa kinabuhi.