Law enforcement agencies mohatag og update sa kondisyon sa kahusay, kalinaw sa dakbayan

SA unang higayon  isip bag-ong chairman sa Komite sa Public Order and Safety sa konseho,  si Konsehal Roger Abaday mopatawag og tigom, Mierkoles, diha sa hawanan sa konseho aron hisgutan ang mga mahinungdanong butang kalabot sa kahusay ug kalinaw sa syudad.

Sa maong higayon, mopresentar sa ilang report sa kahimtang sa kahusay ug kalinaw sa tibuok dakbayan ang Cagayan de Oro City Police Office (COCPO), Philippine Army (PA), Criminal Investigation and Detection Group (CIDG), National Bureau of Investigation (NBI), Task Force Oro, National Intelligence Coordinating Agency (NICA) ug City Disaster Risk Reduction and Management Department (CDRRMD).

Gipaabot nga  motambong sa  tigom aron mopaambit sa ilang opinion sila  Konsehal Al Legazpi, Edgar Cabanlas, Enrico Salcedo, Yevonna Yaccine Emano, Konsehal Agapito Eriberto Suan ug Bise Mayor Bebot Rodriguez. (JRG/SP)