Larawng palapdan ang OYDC gisuportaha ni Konsehal Sacala

GILANTAW nga mas mapalambo pa ang serbisyo sa Oro Youth Development Council ug mas daghan pang mga programa ang ilang mapatuman  ngadto sa kabatan-on an sa syudad.

Kini human gisuportahan sa komite sa youth and sports development atol sa tigom  niadtong Biernes ang amendatory ordinance nga  magpalig-on sa Ordinance No. 13369 kon Oro Youth Code of 2018.

Atol sa tigom, si Lord Saver Centina, officer-in-charge sa City Youth Development Office, mibutyag nga ang nag-unang   katuyoan sa nasangpit nga ordinansa mao ang pagpalapad sa buhatan  sa Oro Youth Council sa tuyo nga mahulipan ang mga probisyon nga dili na applicable, pag-institutionalize sa mga programa nga nalakip sa 4 ka core programs ug pagsukip sa Oro Youth Leadership and Development Academy diha sa mga provisions sa maong ordinansa.

Sa maong ordinansa, gibahin  usab ang ilang function ngadto sa 3 ka section nga gilangkoban sa youth development section, administrative section ug policy and planning section.

Sumala ni Konsehal Sacala nga suportado niya kini nga lakang tungod kay han-ay ug gipalapdan niini ang mga programa alang sa kabatan-onan nga dako kaayo og  tabang alang sa dekalidad nga serbisyo.

Niini, giduso ni Konsehal Sacala ang maong sugyot ordinansa ngadto sa City Legal Office alang sa ilang opinion dala ang hangyo nga  mapadali kini.

Ang maong tigom gitambungan usab nila ni Konsehal Roger Abaday, Aga Suan ug Jing Daba III. (JRG/SP)