Lakang pagproteher sa mga tarsier tukion sa kom sa Env’t

Magtigom karong alas 2:00 sa hapon diha sa hawanan sa konseho ang komite sa environment ni Konsehal Roger Abaday.

Tipik sa tukion atol sa maong tigom ang special report ni Konsehal Jay Pascual sa milabayng sesyon sa konseho kalabot sa mga lakang nga ipatuman aron maprotektahan ang nakitang mga tarsiers sa barangay Dansolihon.

Mahinumduman nga si Pascual mitaho nga dili lang sa Bohol makita ang maong matang sa mananap apan anaa usab sa kabukirang bahin sa syudad ug gikinanglan na nga panalipdan ug protektahan.

Niini, gipaabot nga motambong sa tigom aron mohatag sa ilang panahum sila si Konsehal John Michael Seno, Maria Lourdes Gaane, Romeo Calizo, Yan Lam S. Lim, Ian Mark Nacaya, James Judith ug Bise Mayor Jocelyn Rodriguez.