Konseho nasubo sa pagpanaw ni kanhi PB Pabelic

ANG Konseho sa Syudad ubos ni Bise Mayor Bebot Rodriguez mipaabot sa ilang pahasubo ug simpatiya sa nahabiling pamilya ni kanhi Punong Barangay Flordelis S. Pabelic sa Barangay 20, ning syudad.

Kini ang unod sa resolusyon nga hiniusang giuyonan sa konseho atol sa sesyon niadtong Lunes.

Si Pabelic nahimong punong barangay sa Brgy. 20 sulod sa taas nga panahon diin siya matinud-anong nag-alagad sa katawhan sa barangay.

Gipadayag sa Konseho nga ang kamatayon ni Pabelic dakong kawad-on sa mga Kagay-anon tungod sa iyang katarong sa pagpanerbisyo nga magpabilin sa huna-huna ug kasingkasing sa tanan. (RNQ/SP)