top of page

Konseho mirekomendar sa in person graduation sa tulo ka mga tunghaan


PABORABLENG girekomendar sa konseho sa syudad ubos ni Bise Mayor Bebot Rodriguez ang pagpahigayon og in person graduation ug moving-up ceremony sa tulo ka mga tunghaan sa dakbayan.

Kini human si Konsehal Suzette Magtajas-Daba, sa sesyon sa konseho niadtong Lunes, mitaho sa gilaraw nga pagpahigayon og in person graduation sa Blessed Juana Condesa School, Vineyard International Polytechnic College ug Monark Foundation, Inc.

Hinuon, kini ubos sa kondisyon nga mapatuman ang mga giya nga gihan-ay sa buhatan sa mayor o’ sa City Covid-19 Task Force.

Si Konsehal Suzette Magtajas-Daba, chairman sa komite sa edukasyon, mibutyag nga pabor siya sa maong mga kalihokan sa mga tunghaan agig pangandam sa 100% nga pagbalik sa kabataan sa umaabot nga tuig ting-klase.

Usa ka resolosyon ang gisagop sa konseho alang sa maong katuyuan.

bottom of page