Konseho gikondena nahitabong kagubot sa COWD

MAYORIYANG giuyonan sa Konseho sa Syudad atol sa sesyon niadtong Lunes nga

gidumala ni Presiding Officer Pro Tempore Konsehal Romeo Calizo ang resolusyon nga

nagkondena ni  Interim General Manager Fermin Jarales ug ang kaubang mga pulis

nga giingong nadestino sa Misamis Oriental tungod sa nahitabong bayolenteng

kasamok niadtong Abril 16 ning tuig sa Cagayan de Oro Water District (COWD) nga

nakaapekto sa operasyon ingon man sa mga kawani.

Gikabutyag nga dili angayan palabyon nga magpadayon ang maong panghitabo tungod

kay nakamugna kini ug kaulawon sa usa ka buhatan sa gobyerno ug sa dili pag-respeto

sa desisyon nga gipagawas  sa korte.

Gilaumang respetohon ni Interim General Manager Fermin Jarales  ang katungod sa

Local Government Unit nga maoy mobalik sa pagdumala sa maong buhatan subay sa

lagda ug hukom sa balaod tungod kay walay nakitang basehan nga magpabilin pa kini 

nga magdumala.

Ang resolusyon nga gisagop sa konseho gipangamahanan ni Konsehal James Judith,

chairman sa komite sa arbitration ug sa komite sa pamalaod ug reglamento  ubos ni

Konsehal Edgar Cabanlas. (MLRapanot/SP)