Konsehal Suzette midapit sa mga graduating scholars pagsalmot sa Balik Tanaw

Hugot nga gisuportahan ni Konsehal Suzette Magtajas-Daba, chairman sa komite sa Edukasyon, ang programang “ Balik Tanaw” nga ipahigayon karong umaabot Mayo 14 ning tuig.

Ang Balik Tanaw usa ka online (Zoom) nga espirituhanong kalihokan alang sa mga mogradwar nga Iskolar sa Dakbayan (IsDa) nga gipasiugdahan sa Kagamhanan pinaaga sa buhatan sa CdO City Scholarships uban sa pag-abag sa Cru Philippines.

Gibutyag sa Konsehala nga dalaygon kaayo ang maong kalihokan tungod dinhi masinati sa mga tinun-an ang kalinaw sa ilang hunahuna ug kasingkasing ug mahatagan usab sila espirituhanonong giya taliwala sa kadaghan nga eskedyul sa ilang mga aktibidadis sa ilang tagsa tagsa ka tunghaan.