top of page

Konsehal Suan nadismaya sa gipakatag nga fake news sa social media

GIKLARO ni Konsehal Lordan Suan nga wala siya mobotar nga supak sa pagpalit sa kagamhanan sa relocation site niadtong tuig 2017 diha sa Sitio Pahiron sa Barangay Lumbia.

Kini ang unod sa special report ni Suan sa sesyon sa konseho niadtong Lunes nga gidumala ni Bise Mayor Kikang Uy agig reaksyon sa giingong grupo nga nagpakatag og fake news sa social media nga supak siya sa pagpalit sa kagamhanan sa relocation site.

Gitin-aw ni Suan wala siya misupak apan mibotar siya nga abstain sa pagtoo nga overpriced ang propedad ug nakita niyang dili angay ang proseso tungod kay dapat ang nagbaligya mao man ang mobayad sa capital tax ug dili ang syudad.

Matod sa konsehal nga usa kini ka black propanda tungod kay ilang gitangtang ang pulong nga “abstain” ug ilang gipulihan sa “against” ang iyang buto sa pagpalabang sa Ordinance 13360-2017.

Niini, gihangyo ni Suan ang konseho nga matabangan sa pag-verify nga wala siya nagbotar nga supak sa maong ordinansa kon dili abstain.


bottom of page