Konsehal Salcedo naninguha nga makatunol og ayuda sa katawhan

SI Konsehal Enrico Salcedo, chairman sa komite sa Environment and Natural Resources naninguha nga silang mga sakop sa konseho makatunol og hinabang ngadto sa katawhan sa syudad.

Kini isip sumpay sa iyang special report sa sesyon sa konseho niadtong Lunes nga gidumala ni Bise Mayor Kikang Uy.

Gipasabot sa konsehal nga daghang mulo ang katawhan kay naundang ug nawad-an silag panginabuhian ug daghan kanila ang naghulat og ayuda sa syudad sama nalang sa food packs o bisan unsang matang sa ayuda nga sila makalingkawas sa kalisod.

Gidugang sa konsehal nga daghang sector sa kabarangayan ang nagpaabot na sa ilang kabalaka ug mulo tungod kay daghan sa ilang mga residente ang nangayo na og ayuda tungod sa kalisod.

Ako nakasabot niini, isip amahan sakit pamalandongon nga wala kay mapakaon sa imong pamilya, pamahayag ni Konsehal Salcedo.