Konsehal Rodriguez resource speaker sa Civil Society Organizations Conference

USA sa mga resource speakers si Konsehal Jonjon Rodriguez, chairperson sa committee on planning, research & innovation and people’s organization accreditation, sa gipahigayon nga Civil Society Organizations (CSO) Conference kaniadtong Agosto 11, 2025, sa Tourism Hall ning dakbayan.

Sa maong conference, gihisgutan sa konsehal ang Ordinance No. 14334-2022 o ang “An Ordinance Strengthening Participatory Governance in the City of Cagayan de Oro through Empowerment of Civil Society Organizations by Establishing a Committee on People's Organization.”

Tumong sa nasangpit nga ordinansa ang pagmugna sa Committee on People's Organization (CPO), nga maghatag og mas lig-on nga partisipasyon sa mga CSO sa lokal nga pangagamhanan. Pinaagi sab niini, mahimong kauban sa gobyerno ang mga CSO sa pagplano ug paghimo og desisyon alang sa kaayuhan sa katawhan, ilabi na alang sa mga giilang marginalized groups.

Mitambong usab sa CSO Conference sila City Administrator Atty. Roy Hilario Raagas, CSO Desk Officer Jo May Lago, ug mga representante sa nagkalain-laing CSO nga naninguhang mahatagan og akreditasyon ang ilang organisasyon. (JDO/SP)