top of page

Konsehal Nacaya nahingawa ngawalay supply sa morphine dinhi’s syudad

NAHINGAWA si Konsehal Ian Mark Nacaya nga walay supply sa tambal nga morphine sa mga parmasya sa syudad.


Councilor Ian Mark Nacaya

Kini ang unod sa special report sa konsehal sa sesyon sa Konseho niadtong Lunes nga gidumala ni Bise Mayor Bebot Rodriguez mahitugod sa  usa ka pasyente gikan sa probinsya sa Bukidnon  nga nangayo  og tabang  nga makapalit  sa maong tambal  tungod walay supply sa mga parmasya.


Gani, bisan sa mga ospital  nga  iyang gipasusi wala gayud supply niini nga tambal, dugang pamahayag ni Konsehal Nacaya.


sample morphine vial

Mipasabot  si Konsehal Nacaya nga ang morphine  usa ka “pain reliever” nga tambal  nga mahimong tumaron  sa pasyente nga nag-antos sa grabe kasakit nga balatian.


Hinoon, si  Konsehal Lourdes Gaane mibutyag nga ang maong matang sa tambal usa ka analgesic nga dili mahimong mapalit  sa over the counter kung walay resita gikan sa doctor.


Ang maong taho giduso  ni  Bise Mayor Rodriguez ngadto sa Komite  sa Health ubos ni Konsehal Malou Gaane  alang sa tukmang aksyon.

Comments


bottom of page