Konsehal Lim midasig sa mga hamtong pagpabakuna

Gibuhat na nilang mga kapitanes ang tanan nga makombinse ang mga senior citizen nga magpabakuna.

Kini ang reaksyon ni Konsehal Lim sa special report ni Konsehal Reuben Daba sa sesyon sa konseho niadtong Lunes nga gidumala ni Bise Mayor Kikang Uy sa sugyot niining paghatag og insentibo sa mga senior citizen nga magpabakuna.

Sa maong higayon, gipasabot sa konsehal nga aduna'y mga hamtong nga mahadlok gayod sa pagpabakuna taliwala sa mga pagpasabot kanila sa kamahinungdanon sa bakuna labina nilang mga hamtong.

Matod ni Lim nga gihimo nila ang tanan nga makombinse ang mga hamtong ug gani si Congressman Klarex Uy mitanyag og mga serbisyo aron masayon ang ilang pagpabakuna apan aduna gayo'y pipila ka mga hamtong nga mahadlok ug dili gayud mapugos.

Hinoon gibutyag ni Lim nga magpadayon silang mga kapitanes sa pagpasabot sa mga hamtong sa kaayohan sa bakuna aron maingganyo sila sa pagpabakuna.